حسام السعدني يكتب: (يقولون ان السيسى امه يهودية)

يقولون ان السيسى امه يهودية .. ما يجراش حاجه عادى 
فى الحقيقه انا عايز اوضح حاجه مهمه شويه بالنسبالى .. بيقولوا ان أفه حارتنا النسيان لكن الحقيقه احنا عندنا مشاكل اكبر من كده بكتير .. فى مشكله اسمها "الكعبلة" كل واحد بيفتى و الفتوه بتنتشر والموضوع بيقلب بحنون بيتوسع و يتغلغل فى دماغ الناس.
السؤال بقى هو احنا ضد اليهوديه ؟ هى اليهوديه دى حاجه وحشه ؟ الحقيقه لا ك مسلمين اليهود دول من اهل الزمه زيهم زى المسيحين بالظبط ليهم حقوق علينا ك مسلمين و عليهم واجبات بغض النظر ان فى متطرفين بيشوفوا ان المسيحين دول من اعداء الاسلام !
و من الجانب الاجتماعى اليهود كانو عايشين فى مصر معانا كدة وبياكلوا ويشربوا و منهم طلع ممثلينو لغاية دلوقتى أنت بتحبهم وتتفرج على أفلامهم القديمة بلاش اصدمك و ابقى دور انت هتلاقى ممثلين يهود وأنت بتعشقهم 
امال ليه بنشتم بعض و نقول يا ابن اليهودية؟ 
يطلع واحد فلته كده و يقولك ان الاستاذ شعبان عبد الرحيم المغنى "مكوجى سابقا" بيفهم فى السياسة احسن منكوا يا طلبة يا متعلمين وبيعرف يختار المصطلح العلمى السليم لما قال " انا بكره اسرائيل " 
بردو ما يجراش حاجه عادى 

خلينى اعبر عن وجهه نظرى "أنا مش بكره اسرائيل" انا مش ضد وجود دوله اسمها اسرائيل وشايف ان من حق أى مجموعة من البشر انها تعلن استقلالها حتى لو على اساس دينى "يهود" و يعملوا دوله و يسموها اسرائيل بس الازمه انى ضد مصطلح كده اسمه "صهيونيه" انا ضد ان دوله تقوم على اغتصاب الارض من اهلها بالعافيه لو الارض بفلوسهم والله ما كنت هازعل فى معلومه بتقول ان الفلسطننين باعو من ارضهم حوالى 2% وبعد كده باقى الارض بقى بيروح بالاستيطان وبمساعده الدوله الخارجيةو الداخليةو حياتك الازمه اننا ضد فكره الاستيطان انك تعيش فى بلدك على انك غريب خايف تتحرك او تاكل او تشرب و مالكش حقوق و ممكن تتهجر فى اى وقت " خصوصا لو ساكن فى عزبه او منطقه عشوائيه " مهدد بالاعتقال فى اى وقت مهدد بالقتل فى اى وقت و محدش هيسأل عنك و يا ريتك تعرف تخطف جندى تبدل بيه اسرى 300 ولا حاجه الجندى عندهم كلب ولا يسوى لانه اصلا واحد مننا اتاخد عشان يخدمهم بالعافيه ولو اتطلب منك انك تقصف بيتوك هتقصفها عافيه "حدود سيناء"و هتموت اهلك بياخدوك بالاجره تروح تحاربلهم عشان مصالحهم "حرب اليمن و حرب ليبيا"ولو اتجرأت وزعقت فى وشهم يقولوا عليك خاين و عميل هما قاعدين فى امان و لو حد جرب يزعق صفارات الانذار تفضل تولول فى التلفزيونات و الفقير فينا بيداس بالجزم عادى بياكلوا اكل مش اكلنا بس احنا اللى بنزرعه و اكلنا بيكون فضلاتهم او حمير مش عايزينها فى الصحرا مايتنا ملوثه بس هما بشربوا مياه معدنيه مستشفيتنا ملوثه بس هما يتعالجوا و هما على سرايرهم احسن علاج احنا تحت الاستيطان و متحاصرين مش عارفين نخرج و لو اتكلمنا مكانا السجن او القبر و محدش هيسأل فينا تماما لان العالم موافق على كدة
 انا بكره الاستيطان بكره الكيان الصهيونى و خاصا اللى فى مصر