قسم الجغرافيا .. من الاقسام المميزة ..!! ليه طيب ؟!
عشان فيه شعبة المساحة و الخرائط والشعبة العامه
" الجغرافيا ونظم المعلومات GIS "
.. ومستقبلهم كويس و محتاج مذاكره طبعا واجتهاد ..
بس تعالي نبتدي الموضوع من أوله بقي :))
_ شروط القبول ف القسم هو الدرجه اللي القسم بيحددها كل سنه .
بس السنةدى متحددش اى حاجه وهيتقبل حسب المجموع وفقاً للطاقة الاستيعابية للقسم .
نيجي بقى للدراسة لـ سنه اولي .. بيكون فيه مواد طبيعيه ومواد نظريه ومواد مساحه
الطبيعيه .. زي الجيلوجيا بتاعة ثانويه عامه و مواد العملي او المساحه بتكون اغلبها رياضة و البشريه زي الدراسات الجغرافيه والتضاريس ..
سنه تالته .. هنا بيبتدي تقسيم الشعب والتخصص ..!
"شعبة المساحه و الخرائط " و " الشعبه العامه الجغرافيا ونظم المعلومات GIS "
والشعبيتين مجال الشغل فيهم كويس و خاصه بره مصر .
نيجي ع الاهم ..!!
التخصص ف المساحه و الخرائط ليه شروط ..؟! بتتغير ! بس هي بقالها اكتر من 3 سنين بتقدير العام لسنه تانيه .
والدراسه ف المساحه برده فيها نفس التقسيم بتاع المواد البشريه , الطبيعيه , مساحه بس الاغلب مواد المساحه وفيها تدريب عملي في سنه 3 و مشروع تطبيقي ف سنه 4 ..
و المشروع بيكون تقسيم الطلاب عباره عن مجاميع فيها 6 او 7 ولازم يكونو ولاد و بنات :))
بيكون ف الصحرا ديما بيبقي ف الأوديه و كثبان رمليه و صحاري مطروح .. والمكان كله بيتعمله رفع مساحي وميزانيات شبكيه وطوليه ورفع بالتوتال والبلانشيطه .. وده بيكون ف الترم الاول من سنه 4 في الترم التاني بقي عبارة عن رسم وعمل طلبات المشروع وبيتسلم اخر الترم .
نيجي للشعبة العامه GIS .. بندرس جغرافيا اقتصاديه , جغرافيا البحار والمحيطات , جغرافيا السياحه والترويح , جغرافيا العالم التالت ...
المشروع التطبيقي للشعبه .. بيبقي في سيوه و مطروح 3 ايام هنا و 3 ايام هنا .
خلاص خلصنا المشروع و سلمناه و اتخرجنا .. تعالي نشوف بقي
مجالات الشغل ..
" خاصه بره مصر و ف الخليج زي السعودية ..
" المساحه "
ف مجالات كتييرة مساحه جويه , بحريه , أرضيه ..
الجويه .. زي تصوير من الطائرات و الاقمار .
البحريه .. زي شغل المساحه ف البحر .
الارضيه .. زي انشاءات الطرق و المباني
والشغل ف شركات المقاولات .
" الشعبه العامه GIS "
اغلب شغلهم في مصر ف شركات الاتصالات و الكهرباء اللي هو شغل النظم والمعلومات الجغرافيه gis و الاستشعار عن بعد .
تابعنا دايما على جروب دفعة المستجدين لطلاب صوت الميدان لاى استفسار
ولمزيد من معرفة الاخبار وتفاصيل الاقسام اضغط هنا
بقلم : ندى ربيع
