السؤال الاول : لو عايز ادرس في قسم المسرح اعمل ايه؟؟
شوف يا سيدى انت بعد مالتنسيق بيجبلك انك دخلت كلية الاداب يكون في حاجة تانية اسمها التنسيق الداخلي جوه كلية الاداب التنسيق الداخلي ده هو اللي بتحط فيه رغباتك للاقسام اللي تفضل انك تدخل حاجة فيها و طبعا بيجيلك القسم بناء على الطاقة الاستيعابية و مجموع المواد في الثانوية العامة قسم المسرح بقى يا صاحبي مبيشترطش درجات معينة في مواد الثانوية العامة .
بعد اما بتحط رغباتك و يجيلك قسم المسرح بعد مابتحطه رغبة اولى و دي طبعا المرحلة الاولى المرحلة التانية بقى التانية بقى هي مرحلة المقابلة و اختبار القبول و في الاختبار ده لازم تحضر جزء تمثيلي باللغة العربية و جزء تاني بالعامية و يكون طبعا عندك معلومات عن المسرح و الفن المسرحي .
السؤال التاني :
بيدرسوا ايه في قسم المسرح ؟؟
شوف يا سيدي بعد اما بتعدي اختبار القبول و المقابلة و بتنجح فيهم بتكون بقيت طالب في الفرقة الاولى في قسم المسرح قسم السرح بتنقسم الدراسة فيه لثلاثة اقسام :
1- دراسة فن الاخراج و التمثيل . و دي بيكون فيها مواد نظري و مواد عملي النظري بيكون عبارة عن دراسة مجموعة من النظريات العلمية في فن التمثيل و الاخراج و الاسس و القواعد التي بني عليها هذا الفن اما العملي فبيكون عبارة عن مشاريع اخراج و تمثيل تختلف من سنة لاخرى
2- قسم دراسة فن النقد و تاريخ المسرح :
في القسم ده من المواد بتدرس تاريخ المسرح القديم و الحديث و نظريات النقد و التذوق الفني و بعض الخبرات المختلفة من المسارح العالمية و تاريخ كل منها
3- قسم المواد المتعلقة بالفنون التشكيلية و الديكور و فنون الاضاءة :
السؤال الثالث : لما بتخرج بشتغل ايه ؟؟
لما بتتخرج تحصل على كارنيه نقابة المهن التمثيلية وبتشتغل اما في مسارح الدولة او مشرف مسرحي في وزارة التربية و التعليم و ده طبعا حسب اختيارك و تقديرك و حسب مشوع التخرج بتاعك اللي بيكون اما مشروع تمثيل او اخراج او نقد .
تابعنا دايما على جروب دفعة المستجدين لطلاب صوت الميدان لاى استفسار
ولمزيد من معرفة الاخبار وتفاصيل الاقسام اضغط هنا
