كيف تصبح ثورجياً
كي تصبح ثورجياً يضرب به المثل فـ الثورة , عليك إتباع الخطوات التالية :
1- بنطلون
جينز – كوتشي – نضآرة شمس – آلشال الفلسطيني علي كتفك – علبة ألوان لرسم علم مصر
علي وشك – وشنطة فيهآ سآندوتشآت ( و إزازة ماية معدنية ولما تفضي إملاها م آلحنفية
)
2- إشتري
كارنيه الثورة إللي عليه صور الشهداء فئة جنيه ونص مصري وعلقه علي صدرك – مع رفع
علم مصر أبو مآسورة بلاستيك فئة خمس جنيهآت
3- إضرب
واحد ينسون الصبح يسلك زورك عشان لو في هتاف تقدر تهتف
4- ما
تنسآش آلكآميرا الديجتال بتاعتك ولو معندكش ممكن تستخدم كآميرا الموبايل ولو
معندكش إلزق لأي واحد معاه كاميرا وإديله الإيميل بتاعك عشان يبعتلك الصور – حاول
تتصور مع دبابة أو مدرعة أو أي حد رابط شاش علي عينه علي أساس إنكم مصابين في
الثورة – وخلي علم مصر و الكارنيه بتاع الثورة يكونوآ واضحين في الصورة
5- ألقطلك
كلمتين من برنامج العاشرة مساءً أو واحد من الناس أو القاهرة اليوم و إكتبه علي
الفيس بوك وإشتم أي حد يعترض علي كلامك وإتهمه بالخيانة العظمي
6- هآت
صورة لأي وآحد من النظام الفاسد السابق أو الأسبق أو الحالي وحطها علي الفيس بوك
وإنزل فيه شتيمة علي فيديو ولا إتنين من اليوتيوب وتبقي فُل
7- إشترك
في صفحة كلنا خالد سعيد ولو مش عاجبك إشترك مع شباب 6 إبريل
8- كل
إسبوع إعمل صفحة ع الفيس بوك وإدعي الناس لمظاهرة مليونية في التحرير وأطلق عليها
أي إسم مليونية وفاء – مليونية أم وفاء – مليونية رد الجميل – مليونية أخذ الجميل
تاني ..
9- سيب
الأغاني العاطفية وخلي معاك "سي دي" أغاني الثورة وأهمها أغنية حمادة
هلال التي أثبتت بالدليل القاطع أن شهداء 25 يناير مآتوآ في أحداث يناير
10- إمسح
كلمة "نعم" و "حاضر" و "آه" من حياتك و إتعود تكون
معترض علي كل حاجة لازم يبقي ليك صوت دايماً حتي لو مش فاهم حااجة ‘ترض , ومتنساش
إن المصري ‘للي علي حق يقول للغلط لأ
11- ما
تنساش بعد ما تقرآ كلامي وتعيش دور الثورجي تشتمني وتهمني إني خاين وضد الثورة
وكدآ يعني .. وربنآ معاك
ملحوظة :
كلآمي السابق لا يعبر أبداً عن
سخريتي من أبطال ضحوآ بأرواحهم عشان نعيش في حرية .. ولا يدعوك عزيزي القارئ
لإتهامي بأنني "فلول" ومندس وضد الثوار
ولكن كي أذكرك بان الثائر الحق هو من يثبت على افكارة ومبادئه ومحاربته
للظلم فى اى وقت وفى اى مكان ,, ليس بالمظهر ولا بالاقوال ,
أنا حاسس بإندساس
أفكار بتهدم فيا
جوآيا مليون إحساس
وأجندات خارجية
وقلبي شكله عميل
بمزآجه يعشق و يميل
ويحب كل جميل
فلتحيآ الحرية
أنا أصلي شاب كوول
لا أجندة ولا كشكول
وتملي بهتف و بقول
أنا قلبي لجان شعبية
