بالنسبة للقسم فهو ماشى بنظام الساعات المعتمدة يعنى ايه ؟ يعنى لكل ماده عدد ساعات معين لازم تكملها و الى جانب ذلك فيه حضور و غياب والحضور عليه 10 درجات من مجموع الماده الكلى اللى هو 100 درحة . من الاخر كده هتحضر المحاضرات يعنى هتحضر مفيش مفر
شروط القسم :
يقبل القسم الطلاب الحاصلين على 45 درجة فى مادة اللغة الانجليزية كلغة أجنبية أولى وعليهم اجتياز امتحان القبول ولا يقبل الطالب الحاصل على أقل من 75% فى مجموع درجات الثانوية العامة وامتحان القبول معاً وذلك ينطبق ايضاًعلى طالب الثانوية الالمانية والوافدين أما الطلاب الحاصلين على الثانوية الإنجليزية ( IG ) فالمستوى المطلوب (B) فى مادة اللغة الانجليزية . وأما الحاصلون على الدبلومة الأمريكية فالمستوى المطلوب 800 فى مجموع مادتى القراءة والكتابة .
- الترم عندنا بسنة يعنى كل ترم ليه مواد بتاعته والدكاتره بتوعه
المواد بقا بتنقسم ل مواد عن اللغه و مواد عن الادب . المواد الادبية بناخد فيها روايات وشعر كل ترم بناخد century معين . اما المواد اللغه بقا فا دى بتكون عن علم الكلمه و عن الترجمه و فى جزء phonetics بس مش بيقى كل سنة يعنى
عن الكتب بقا . فا القسم ملوش كتب الدكاتره عاملينها . الدكتور بيديك اسم كتاب بتنزل تشتريه من اى مكتبه وخلاص على كده . اهم حاجه فى المحاضرات لازم تكتب على اد ما تقدر فى الاول الموضوع دا بيبقى صعب بس بعد كده هتتعود . اهم ححاجه المحاضرات عشان دى هتبقى المرجع ليك و هتفيدك جداا
بالنسبة للامتحان القبول فا هوا بيبقى comprehension يعنى تقعد تكتب على اد ما تقدر كانه موضوع تعبير وتحاول تركز على الكلام اللى بتكتبه عشان دى مش ثانويه عامه مفيش وقت تراجع و اهم حاجه تبين كلامك و انتا قاصد بيه ايه و تبقى واضح و طبعا ميبقاش فى غلطات فى ال spelling بتاعك ودا كمان تقريبا نفس نظام الامتحانات بتاعت القسم كلها
كل الامتحانات بتبقى عباره عن كتابه مقالات . ما عدا مواد اللغة دى بتكون سؤال محدد وليه اجابه محدده
الدرجات فى الاخر بيكون ليها حاجه اسمها GPA دا لازم ميقلش عن 2.00 يعنى دى درجه النجاح
لازم اللى يتخرج ميكنش كمعاه اكتر من درجتين
المواد اللى بيكون ليها اكتر من جزء يعنى مثلا "الحضارة العربيه 1 " و الحضارة العربيه 2 " لازم عشان تاخد الجزء التانى من الماده تكون جايب اكتر من 65% فى الجزء الاول من المادة
اما المواد اللى ملهاش جزء تانى درجه نجاحها من 50%
القسم متعب شويه و محتاج شويه مجهود بس اللى هيتعب هيلاقى فى الاخر اكيد
وبعد ما تخلص بقا بيبقى ممكن تبقى مدرس انجليزى او تشتغل فى الترجمه او فى الاعلام او فى اى مجال محتاج اجاده لغه انجليزية و دى مجالاتها كتير اووى
تابعنا دايما على جروب دفعة المستجدين لطلاب صوت الميدان لاى استفسار
ولمزيد من معرفة الاخبار وتفاصيل الاقسام http://goo.gl/HbP1IC
بقلم : هالة احمد
